លោកស្រី បាន ស្រីមុំ អភិបាលខេត្តប៉ៃលិន បានរៀបចំមង្គលការកូនស្រីយ៉ាងអធិកអធម នៅភ្នំពេញនៅអាគារ OCIC កាលពីម្សិលមិញថ្ងៃ ២៨ ខែមករា ឆ្នាំ ២០២៦។
Million Times 
មង្គលការកូនស្រីចៅហ្វាយខេត្តប៉ៃលិន ដោយកូនក្រមុំនាម ឈាន ចាស្មីន និងកូនកំលោះជាជនបរទេសឈ្មោះ ឃឺត ភីបភល។ មង្គលការដ៏ធំនេះ មានការអញ្ជើញចូលរួមពីសំណាក់មន្រ្តីរាជការ និងអ្នកជំនួញធំៗប្រចាំស្រុកខ្មែរ។
កម្មវិធីដ៏អស្ចារ្យរបស់គ្រួសារមន្រ្តីធំរូបនេះ ក៏មានភ្ញៀវជាបរទេសច្រើនមកចូលរួមផងដែរ។ មិនថាការរៀបចំតុបតែង និងបដិសណ្ឋារកិច្ចឡើយ លោកស្រី បាន ស្រីមុំ ធ្វើបានយ៉ាងល្អគ្មានកន្លែងទាស់ឡើយ។
កាន់តែពិសេសគឺកូនក្រមុំដ៏ស្រស់សោភា មិនថាស្ថិតក្នុងឈុតបុរាណ និងឈុតសម័យឡើយ សម្រស់ស្រទន់គយគន់មិនចេះជិនណាយឡើយ។ ចំណែកភ្ញៀវកិត្តិយសដែលចូលរួមកម្មវិធីសុទ្ធតែអ្នកមានមុខមាត់ក្នុងកម្មវិធី ដូចនេះហើយម្នាក់ៗទាំងបុរស និងស្រ្តីបានជ្រើសរើសសម្លៀកបំពាក់បែបប្រពៃណីនៅពេលព្រឹក។
នៅក្នុងកម្មវិធីនោះដែរក៏មានការអញ្ជើញចូលរួមពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន, ស្រ្តីទី១ លោកជំទាវបណ្ឌិត ពេជ ចន្ទមុន្នី និងបុគ្គលល្បីៗជាច្រើនទៀត៕
អត្ថបទ៖ ឆដា, រូបភាព៖ Sinath Hun, Theara Leang ,Hang Marina និងអ៊ីនធឺណេត