នាថ្ងៃសម្ពោធហាងលក់គ្រឿងអលង្ការ វណ្ណហុង នៅសាខាខេត្តសៀមរាប លោកស្រី អ៊ឹមផាន វណ្ណឌី អគ្គនាយិកាក្រុមហ៊ុនគ្រឿងអលង្ការជាង បាក់ វណ្ណ ហុង នៅតែជាទីចាប់អារម្មណ៍ក្នុងការរៀបចំខ្លួន មិនថាជាម៉ូដសម្លៀកបំពាក់ និងគ្រឿងមាសពេជ្រ។
Million Times 
លោកស្រី អ៊ឹមផាន វណ្ណឌី បានរៀបចំសម្ពោធ ហាងលក់គ្រឿងអលង្ការ វណ្ណហុង នៅសាខាខេត្តសៀមរាបច្រើនថ្ងៃជាប់គ្នា ហើយសម្លៀកបំពាក់១ ឈុតដែលលោកស្រីគ្រង មានតម្លៃខ្ពស់កប់ពពក និងជាប្រេនល្បីលំដាប់ពិភពលោក។
ស្ត្រីអភិជនរូបនេះបានជ្រើសរើសប្រេន Dior ដែលមានឈ្មោះ Robe-chemise mi-longue ceinturée ពណ៌ស និងលាយខ្មៅតិចៗមានតម្លៃរហូតទៅដល់ ៧ ០០០ ដុល្លារឯណោះ។ ជារឿយៗលោកស្រី វណ្ណឌី ចូលចិត្តសម្លៀកបំពាក់ពណ៌សនេះស្រាប់ទៅហើយ។
រសនិយមរបស់ថៅកែក្រុមហ៊ុនផលិត និងលក់គ្រឿងអលង្ការ អ៊ឹមផាន វណ្ណឌី តែងតែជារបស់អស្ចារ្យ និងមានគុណភាពខ្ពស់ មិនថាកាបូប ស្បែកជើង សម្លៀកបំពាក់ សុទ្ធតែប្រេនៗ។ នេះដោយមិនរាប់បញ្ចូលគ្រឿងអលង្ការប្រណីតៗ ព្រោះដោយសារតែលោកស្រីជាម្ចាស់អាជីវកម្មស្រាប់។
អាជីវកម្មគ្រឿងអលង្ការនៃគ្រួសារលោកស្រី អ៊ឹមផាន វណ្ណឌី បានជោគជ័យជាង២០ ឆ្នាំហើយលើវិស័យមួយនេះ។ ថៅកែស្រីរូបនេះក៏ជាមនុស្សធ្វើបុណ្យផងដែរ ដោយកន្លងមកចូលរួមកម្មវិធីសប្បុរស និងធ្វើទានដល់អ្នកខ្វះខាតមិនដែលដាច់ឡើយ៕
អត្ថបទ៖ ឆដា, រូបភាព៖ Kham Mai និង Oliva Kong