កំពូលមហាសេដ្ឋី Jeff Bezos ស្ថាបនិកក្រុមហ៊ុន Amazon និង Blue Origin បានជួបជាមួយប្រធានាធិបតីអាមេរិក Donald Trump យ៉ាងតិច ២ដងក្នុងខែនេះ ដើម្បីជជែកពីកិច្ចព្រមព្រៀងរដ្ឋាភិបាល ជាមួយក្រុមហ៊ុនរបស់លោក។

សារព័ត៌មាន WSJ បានចុះផ្សាយថា លោក Bezos បានណាត់ជួបជជែកការងារ ជាមួយប្រធានាធិបតី Trump ស្នើសុំឲ្យមានការបង្កើនកិច្ចកុងត្រារវាងរដ្ឋាភិបាលអាមេរិក ជាមួយក្រុមហ៊ុន Blue Origin ពាក់ព័ន្ធនឹងការរុករកលំហអាកាស ក៏ដូចជាការផលិតយានអវកាសជាដើម។

គួរជម្រាបដែរថា ការណាត់ជួបរវាងមនុស្សកំពូលលុយ ជាមួយមេដឹកនាំអាមេរិក ធ្វើឡើងចំពេលលោក Trump កំពុងព្យាយាមលុបចោលនូវកិច្ចព្រមព្រៀងមួយចំនួន ដែលធ្លាប់ប្រគល់ជូនមហាសេដ្ឋី Elon Musk ដោយសារភាពល្អក់កករខ្លះៗ ដែលបានកើតមានចំពោះទំនាក់ទំនងអ្នកទាំង២៕

អត្ថបទ៖ Luffy រូបភាព៖ CCN